NOVENA TRADIZIONALE DI NATALE

CH’È BELLA STA CAPPELLA

Ch’è bella sta cappella
ch’è tutta ’lluminata:
Maria ’Mmaculata
’n celu si ’nnacchianà;
Maria ’Mmaculata
’n celu si ’nnacchianà.

Evviva Maria, Maria viva
e senza Maria salvari nun si po,
e senza Maria salvari nun si po.

Ch’è bellu stu stillariu
ca brilla ’n tornu ’n tornu:
po’ veni lu so jornu,
gran festa ci sarà;
po’ veni lu so jornu,
gran festa ci sarà.

Evviva Maria, Maria viva
e senza Maria salvari nun si po,
e senza Maria salvari nun si po.

Ch’è bellu stu mazzettu
Maria ca teni ’n pettu:
fa un sciavuru perfettu
ca ’n Paradisu va;
fa un sciavuru perfettu
ca ’n Paradisu va.

Evviva Maria, Maria viva
e senza Maria salvari nun si po,
e senza Maria salvari nun si po.

E sutta li so pedi
ci sta ‘na mezza luna:
Maria è la Patruna
di tutta la città;
Maria è la Patruna
di tutta la città.

Evviva Maria, Maria viva
e senza Maria salvari nun si po,
e senza Maria salvari nun si po.

L’AMBASCIATA

Diu vi manna, vi manna l’ambasciata:
fu di l’Angilu, di l’Angilu purtata.
Natu è lu Figliu, lu Figliu di Diu Patri
e Maria, Maria fu fatta Matri.

Vergini e casta fusti Maria:
iu mi cunsolu assai cu’ tia. [2 volte]

E pi la gioia partistivu cu fretta,
p’annunziallu a Santa Elisabetta.
E San Giuvanni c’ancora ’un era natu,
fu pi vui, pi vui santificatu!

Vergini e casta fusti Maria:
iu mi cunsolu assai cu’ tia. [2 volte]

Chi beddu fruttu Maria avistivu a fari,
lu Verbu eternu è ’ncarnatu cu Vui.
Lu parturistivu comu ’na gran signura,
senza aviri né dogli e né dulura!

Vergini e casta fusti Maria:
iu mi cunsolu assai cu’ tia. [2 volte]

A VOI PASTORI

A voi, pastori, che state a dormire,
a voi, pastori, che state a dormire,
venite a vedere ch’è nato Gesù,
venite a vedere ch’è nato Gesù.

Gesù volle nascere in una mangiatoia,
Gesù volle nascere in una mangiatoia,
di paglia e di fieno il suo letto fu,
di paglia e di fieno il suo letto fu.

CUGLIEMU ROSI E PAMPINI

Cugliemu rosi e pampini
e sciuri di gersuminu
pi fari a stu Bamminu
’u litticeddu ccà,
pi fari a stu Bamminu
’u litticeddu ccà.

Mentri sirenu e placitu,
mentri ca dormi e pensa,
la so buntà dispensa
ca semu figli so,
la so buntà dispensa
ca semu figli so.

Aceddi, vui zittitivi,
o venti un vi smuviti,
o grannuli un caditi,
ca dormi lu gran Re,
o grannuli un caditi,
ca dormi lu gran Re.

‘NTA ‘NA GRUTTIDDA

’Nta ’na gruttidda c’è natu lu suli,
pampina d’oru e nucidda d’amuri.
’Nta ’na gruttidda c’è natu lu ventu,
pampina d’oru e nucidda d’argentu.
’Nta ’na gruttidda c’è natu Gesù,
ca di lu chiantu accurdari un si po.

O Virginedda v’accordalu tu,
facci la naca nni stu cori to.
La naca è fatta pi ghiri a vovò:
Bamminu Gesù nun chiangiri cchiù,
nun chiangiri cchiù Bamminu Gesù.

Dormi, dormi, bel sereno,
amor mio non piangere più. [2 volte]

CIARAMIDDARU

Sona sona, ciaramedda,
suspirusa so cumpagna.
Veni a fari la nuvena
lu pasturi di muntagna.
Binidittu lu pasturi
chi va e canta a lu Signuri.

Ciaramiddaru, ciaramiddaru,
fai ‘na sunata supra l’artaru,
ca lu Signuri, quannu nasciu,
tutti li cosi binidiciu.
E falla bedda, la ninnaredda,
la ciaramedda sona accussì.
E falla bedda, la ninnaredda,
la ciaramedda sona accussì:
Oh! Oh! – Oh! Oh! – Oh! Oh! – Oh! Oh!

Comu sciuscia tramuntana
e la nivi è ‘na biancura.
Fici tutta la campagna:
oh, ch’è bedda la natura.
Porta sempri lu pasturi
‘nni la nivi lu splinduri.

La nuvena quantu è duci,
duna paci a l’infilici.
Si la senti lu Signuri,
si l’abbrazza lu pasturi.
Si la senti lu Bamminu,
binidici lu caminu.

O ciaramedda, sona ca sona,
ca l’arma nostra si fa cchiù bona.
Mentri ca soni sutta li stiddi,
inchi lu cori a li picciliddi.
E falla bedda, la ninnaredda,
la ciaramedda sona accussì.
E falla bedda, la ninnaredda,
la ciaramedda sona accussì:
Oh! Oh! – Oh! Oh! – Oh! Oh! – Oh! Oh!

NNI LA NOTTI DI NATALI

Nni la notti di Natali,
ca nascì lu Bammineddu,
ca nascì ’n mezzu la paglia
tra lu vo e l’asineddu;
ca nascì ’n mezzu la paglia
tra lu vo e l’asineddu.

La ninna nanna ti vogliu cantà,
la ninna nanna ti vogliu cantà.
La ninna nanna miu caru Bamminu,
la ninna nanna ti vogliu cantà.
La ninna nanna miu caru Bamminu,
la ninna nanna ti vogliu cantà.

San Gisippuzzu lu vicchiareddu
a la Vergini Maria
ci dicìa quant’era beddu,
cchiù lu cori si grapìa;
ci dicìa quant’era beddu,
cchiù lu cori si grapìa.

Figliu miu la cammisedda
ti la vigliu arraccamari
e si vo ca ti l’allestu
fammi un pocu arripusari;
e si vo ca ti l’allestu
fammi un pocu arripusari.

FAI LA VOVÒ

Ninna oh! Ninna oh!
Dormi e fa la vovò. [2 volte]

U Bamminu chiangi, chiangi,
voli la naca ‘n mezzu l’aranci.
U Bamminu arridi, arridi,
voli la naca ‘n mezzu l’olivi.

Ninna oh! Ninna oh!
Dormi e fa la vovò. [2 volte]

U Bamminu nun voli durmiri,
Angili santi, at’a viniri.
Dormi, dormi, Bammineddu,
figliuzzu miu, quantu si beddu.

Ninna oh! Ninna oh!
Dormi e fa la vovò. [2 volte]

Santi di ’n cielu, calati, calati,
ca iu l’annacu e vui lu guardati.
Vi li portu dumani, li sciuri,
si mi faciti stu gran favuri.

Ninna oh! Ninna oh!
Dormi e fa la vovò. [2 volte]

NUVENA DI NATALI

Di gran tempu s’aspittava
di lu munnu lu ristoru
e la terra lu chiamava:
«Manna prestu lu tisoru!».

’Nni un tempu friddulusu
ittau Cesari u’ bannu
e li poviri e li signuri
tutti a scriviri si vannu.